Sámediggi oažžu beavdegirjjiid Internehtti bidjat, dadjá riekteduŧki
Lea dáhtu duohken jos Ruoŧabeal Sámediggi galgá almmustahttit beavdegirjjiid internehttii, nu lohká riektedutki.
 Sámi Radio, Ruoŧabeal Sápmi: 05.01.2005 kl. 12:05
Ruota Sámediggi sáhttá almmustahttit ollesčoahkkinbeavdegirjjiid internehttii.
- Lea vejolaš jos dušše dáhtu gávdno, dadjá dutki almmolaš rievttis.
Duogaš
Mii lea moadde ođasáššiin muitalan ahte Sámediggi ii fála dutnje seamma bálválusa dego leanadikkit ja gielddat dahket. Namalassi bidjat čoahkkinbeavdegirjjiid internehttii nu ahte don álkit ieš sáhtat čuovvut politihkariid barggu ja leahkit eanet oassálaš demokráhtalaš proseassas.
Sámedikki dieđiheaddji lea čujuhan olmmošdieđu láhkii PUL:ii ja ahte datainspekšuvdna ii mieđit.
Muhto min ovdalaš ođasáššit leat čájehan ahte ii PUL, iige datainspekšuvdna gidde uvssaid ollát.
Váldo ášši das lea makkár dieđut olbmuid birra leat beavdegirjjiin ja jos lea lohpi almmustahttit daid PUL-lága jelgii.
Dáhtu duohken
Daniel Westman lea dutki almmolaš rievttis Stockholmma universitehtas ja son lohká lea dáhtu duohken jos hálida bidjat beavdegirjjiid internehtii.
- Álggus ferte Sámediggi mearridit maid hálida dahkat ja jos de oaivvilda ahte lea buorre go dát beavdegirjjit bohtet internehttii de ferte dárklit guorahallat lága oažžun dihte dieđu maid oažžu dahkat ja maid ii oačču, dadjá Westman.
Son ii jáhke Sámedikki beavdegirjjiin leat dakkár dieđut olbmuid birra ahte rihkku lága jos bidjá beavdegirjji internehttii.
 Gaskavahkku dii 08.00
Ovddit áššit:
4/1-2005: Datainspekšuvdna ii gieldde sámedikki bidjamis beavdegirjjiid Internehttii
3/1-2005: Sámediggi ii bijá beavdegirjjiid Internehttii
|
