80-90 jahkásaččat Gáivuonas šaddet ieža birget suohkana ássanguovddážis. 84-jahkásaš, Helge Isaksen boraha eará ássiid ja hoigá muohttaga doppe.
Loga ášši
|
|
 |
Áššáskuhtti gáibidii vieljaguoktá 6 mánnui giddagassi ja 360.000 ruvnno buhtadussan boazosuola áššis Guovdageainnus.
Loga ášši
|
|
|
Sápmelaččat Ruoššas hálidit ásahit Sámedikki.
Loga ášši
|
|
|
Davvinorggas lea boasta hirbmat njoahci, muhto eiseválddit eai gáibit buorádusa. Boasta ii rihko doaibmalohpe-eavttuid, vaikko ii nagotge sáddet boasta lohpiduvvon áigemearrái Davvi-Norggas. NRK lea dán vahkus muitalan sáddejuvvon báhkaid birra, mat galge dušše ovtta dahje guovtte beaivvis joavdat dohko gosa galge, muhto ádjánedje guhtta beaivve. Okta fitnodat Čáhcesullos manahii 800 000 ruvnno go báhkka ádjánii nie guhká.
Loga ášši
|
|
|
Sámi girkoráđđi bivdá Oslo gieldda fuomášahttit makkár árvu sápmelaččain lea Norggas ja diktit sámileavgga geavahuvvot Norgga našunalabeaivve.
Loga ášši
|
|
|
Guovdageainnu bohccot bahkkejit Kárášjoga dálveguohtumiidda. Boazodoalli dadjá Oarje-Finnmárkku alla boazologu vejolaš sivvan.
Loga ášši
|
|
|
Boahtte Sámediggepresideantta evttohasguoktá eaba leat ovtta oaivilis galgá go Norga searvat Eurohpa Uniuvdnii vai ii. Sámedikki Bargiidbellodaga presideantaevttohas Egil Olli lea čielga EU vuosttildeaddji, muhto Norgga Sámiid Riikasearvvi evttohas Aili Keskitalo ii leat sihkar. Son oaidná máŋga buriid beliid EU searvamis, muhto dattege eahpida veaha.
Loga ášši
|
|
|
Olbmot geat borret biepmuid main lea alla akrylamid mearri, sis lea stuorát vejolašvuohta oažžut borasdávdda, nu dieđiha Máilmmi Dearvvasvuođaorganisašuvdna WHO mii stuorát iskkademiid maŋŋá dál sáhttá duođaštit ahte alla akrylamid mearri borramušas dagaha borasdávdda rupmašii. Alimus mearri akrylamidas lea nugo buđehiin, gordnebiepmuin ja gáfes. Dearvvašvuođa organisašuvdna dáhttu maid olbmuid geahpedit borramis steikejuvvon ja frityrejuvvon borramušaid. Dán čállá Eanadoallo- ja Borramušdepartemeanta neahttasiiddustis.
Loga ášši
|
|
|
Juohke guđát dorski maid guolásteaddjit váldet Barentsábis lea lobiheamet bivdon, go dilli lea nu ahte bivdomearri ii merkejuvvo riekta, nu vuvdet guolásteaddjit lobiheamet. Guolástusdirektoráhtas árvvoštallet Ruošša beale guolásteddjiid bivdit sullii 100 duhát tonna dorskiid eanet go bivdinearri livččii leat. Dát mearkkaša dan ahte Baretsábis bivdet dál 20 proseantta eanet dorskiid go dan maid dutkit oaivvildit sáhttit bivdit jos dorskemeari galggašii doalahit dássidit jagis jahkái, nu čállá NTB.
Loga ášši
|
|
|
Juohke ovccát šibitdoavttir gii lea mielde šibitdoavtterváktaortnegis lea duhtavaš ođđa šibitdoavtter bargovuorrošiehtadusain. Nu čájeha iskkadeapmi maid Norgga šibitdoavttersearvi lea lágidan. Šibitdoaktárat leat miehtan ođđa vuorroortnegii danne vai ain joatkkášii šiehtadus stáhta ja Norgga šibitdoavttersearvvi gaskka, diehtá Norgga eanadoallo- ja biepmodepartemeanta čállit neahttasiiddustis.
Loga ášši
|
|
|
.jpg)
