 |
čálit 
|
|
|
|
|
 |
|
|
Rosie Holmestrand okta ruhtačoagginjođiheaddjiin Kárášjogas |
|
|
 |
|
|
Gáivuona sátnejođiheaddji giitevaš go olbmot dorjo ákšuvnna |
|
|
Čogget ruđa sidjiide geat Ásia roasus gillájit
Olbmot leat viššalit addán ruđa go ruhtačoaggit leat fitnan sin dáluin. Sihke Kárášjogas ja Gáivuonas lei ikte roahtačoahgginákšuvdna
 31.12.2004 kl. 11:58
Olbmot Kárášjogas ádde viššalit ikte go ruohtačoaggit fitne sin dáluin. 17 ruhtačoaggi geat johte dáluid mielde fitnejedje eahketbeaivvi, golla tiimmus, 44.368 ruvnnu Girko Heahteveahkkái. Rosie Holmestrand gii lea okta dain geat lágideaddjiin ruhtačoaggima duorastaga lohká kárášjohkalaččat viššalit adde ruđá, ja son giitá buohkaid geat leat leamaš mielde addimin ruđa heađálaččaide Asias. Iežaset jáhkká fitnet vel eanebuš ruđa go sis leat vel leamaš buvddáin ruhtalihttit gosa olbmot dáidet leat luoitán ruđaid.
Gáivuonas maid čogge ruđaid Gáivuona Rukses Ruossa/ Røde Kors dat lágidii Gáivuona suohkanis ruhtačoaggima. Ii goassige ovdal leat leamaš nu álki fitnet olbmuid searvat johtit dáluid mielde ja čoaggit ruđaid nu go dál, nu lohka Gáivuona Rukses Ruossa jođiheaddji Elling Vatne. Gáivuona sátnejođiheaddji Bjørn Inge Mo lea giitevaš go olbmot leat leamaš nu veahkkái, ja leat maid viššalit addán ruđaid. Son lohká suohkana maid áigut bidjat ruđa dán heahteveahkkai.
Oktiibuot ledje 57 ruhtačoaggi doaimmas Gáivuonas ikte. Lene Antonsenge searvvai iežs golmma mánáin dása, ja son lohká leat dehálažžan mánáide beassat veahkehit dán lossa dilis.Gáivuonas vuhtte ruhtačoaggit ahte olbmot ledje eanet áŋgirat bidjat ruđa heahteváhkkái dál go ovdal.
Man ollu Gáivuotnalaččat adde duorastaga ii leat vel áibba čielggas, ja vaikke vel ollugat ledje telefon bokte juo addán ruđaid, de bidje vel eanet sidjiide geat dáluid mielde johkte ja čogge ruđaid.
|
