Váldosiidu
 Davvi
 Julev
 Åarjel
 Norsk
 Svensk
 English

 12.01.2005  Ođđasat  Prográmmat  Dálki  Sámi Radio birra 

čálit 

Sámedikki jienastuslohku váidaluvvon, 9 olbmo sáhtet bálkestuvvot eret jienatuslogus

Moadde olbmo geat leat hui lahka čatnon sámediggebellodahkii bivdo- ja guolastansámiide sáhtet bálkestuvvot eret Ruoŧa Sámedikki jienastuslogus. Okta olmmoš lea oainnat váidalan jienastuslogu ja son hálida sihkut eret 9 olbmo jienastuslogus.

 Sámi Radio, ruoŧabeal Sápmi:  23.12.2004 kl. 12:27

Okta dain lea Rolf Rubertsson Gártenjuonan siites Luspie gielddas Ruotabeal Sámis ja Sámi Radios son duođáštá su sámevuođa, son lohká ahte sihke áhkku ja áddja leigga sápmelaččat.

Čielga sámevuohta
Rolf Rubertsson lohká vel ahte gávdnojit boazosámit geain ii leat seamma čielgá sámevuohta go sus lea.
Mannan giđa rievdadii riikabeaivvi sámidiggelága nu ahte dal oažžu nubbe olmmoš váidit jienastuslogu. Dán váidalusa mielde mii dal lea gieđahallama vuolde čuoččuhuvvo ahte 9 olbmo galget bidjot eret jienastuslogus, go sii eai deavdde gáibádusaid.

Hálidit stivret visot
4 sis leat leamaš mielde bivdo- ja guolasussámiid válgalisttuin mannan sámediggeválggas ja Rolf Rubertsson jáhkká ahte lea dat mii lea duogáš dainna váidalemiin.
Son oaivvilda ahte boazosámit dat hálidit mearridit visot ja stivret sihke bivddu ja guolasteami ja sii eai hálit ahte ieža sámit besset oassálastit, lohká Rolf Rubertsson.

14 olbmo leat váidan jienastuslogu go eai leat ieča beassan mielde. Leanastivra galgá dal gieđahallat daid váidalusaid ja njukčamánu 1 beaivvi lea jienastuslohku loahpalaccat válmmas.

Duorastaga dii 08.00




© NRK Sámi Radio, SR Sámi Radio
SR: NRK:
Váldodoaimmaheaddji:  Doaimmahushoavda:
SR :


Guldal Rádio
Teaksta-tv
Tv-ođđasat
Mánáid-tv

Ávvudanáigi
Temperatuvra
Mii dáhpáhuvvá Sámis?
SM 2004