Ruoŧabeal sámi searvvit ja organisašuvnnat ruđaid haga
Sámi searvvit ja organisašuvnnat báhcet ruđaid haga danin go Ruoŧa Sámedikki kulturráđđi maŋida mearradusa juolludit doarjjaruđaid guovvamánnui.
 Sámi Radio, Ruoŧabeal Sápmi: 17.12.2004 kl. 15:03
Boahtte jagi álgu šaddá eahpevissis áigi sámi servviide ja organisašuvnnaide Ruotabeal Sámis.
Sámedikki kulturráđđi lea maŋidan visot servviid ja organisašuvnnaid ruhtaohcámušaid.
30 ohcámuša
Leat sullli 30 searvvi ja organisašuvnna mat leat ohcan doarjaga kulturráđis. Sámediggi lea bidjan 5 miljovnna ruvnnu dasa, muhto mannan vahkus mearridii kulturráđđi maŋidit visot ohcámusaid.
Sivvan dasa lea ahte Sámedikki dievasčoahkkin ii nagodan váldit mearrádusa mii guoskka kulturráđi njuolggadusaide.
Per Nila Albinsson lea áirras kulturráđis ja son ovddastá njunusbellodaga sámiid riikabellodaga. Son šálloša go ná lea geavvan muhto son oaivvilda ahte lea dievasčoahkkima ovttasvástádus go sii leat maŋidan ášši.
Guovvamánus
Boahtte dievasšoahkkin dollojuvvo Johkamohkis guovvamánus ja áramus dalle sáhttá Sámediggi dohkehit ođđa njuolggadusaid.
Árramusat guovvamánu loahpas sáhtta danin kulturráđđi váldit mearradusa ruhtajuolludeami birra ja dat mielddisbuktá váttisvuođaid, earret eara Ruota Sámiid Riikasearvái, mas Per-Gustav Idivuoma lea ságadoalli. Muhto son ii hálit moaitit kulturráđi.
 Bearjadaga dii 08.00
|
