NSR áiggošii bágget válgastivrraid bidjat eambbo nissoniid evttohaslisttaide jos eai daga dan ieža. Muhto báikkálaš searvvit hálidit ieža mearridit. Deatnogátti Sámiid Searvvi ságadoalli John Trygve Solbakk lohká dat háddješii NSRa.
Loga ášši
|
|
 |
Davvi-Norgga ealahusat eai leat ráhkanan dálá Davvi-Norgga petroliumdoibmii. Davvi-Norgga oljo- ja gássabohkan oktavuođas livčče dárbu ieš guđetgelagan gálvvuide ja bálvalusaide. Muhto go dáppe váilo máhttu ja áŋgiruššan de vuoittahallet Davvi-Norgaláččat eará guovllu ásside ja fidnodagaide.
Loga ášši
|
|
|
Boazo sámi siidda lávus Álttas lea dássážii leamaš lohpi borgguhit, muhto dál sáhttá maiddái dáppe borgguheapmi gildojuvvot. Alta suohkan lea ovdalaččas lohkan ahte go lávus lea, de lea olgun, ja dan dihte ii leat lohpi buolliviinni doppe guossohit. Bargobearráigeahčču gis ii áiggo suovvat lávus borgguhit go lávus han lea siste, diehtá NRK Finnmárku.
Loga ášši
|
|
|
Muhtin ássanviessu Áidejávrris Guovdageainnus bulii ikte eahkes gutnan. Politijat ožžo dieæu buollima birra diibmu čiežas ikte eahkes. Go politiijat ja buollinčaskadeaddjit ollejedje báikái de lei viessu oalát jo buollime. Ii oktage roasmahuvvan buollimis, ja olmmoš gii lei ruovttus go buollái beasai ieš olggos.
Loga ášši
|
|
|
Norgga Boazosápmelaččaid Riikkasearvi lei gáibidan ahte boazodoallu oažžu sierra čoahkkimiid Norgga justislávdegottiin Finnmárkoláhkaárvalusa birra. Muhto justislávdegotti jođiheaddji Trond Helleland lohká ahte Sámediggi dat leat dat orgána mii galgá ovddastit sápmelaččaid ráđđádallamiin, ja dan dihte eai áiggo deaivvadit NBR:in.
Loga ášši
|
|
|
Nissonat ruoŧabeal oarjánsámi čeruin gáibidit beassat deaivvadit stáhtaministtáriin, sámeministtáriin ja Jämtlandda leanahoavddain. Duogáš lea dálveguohtunriekti davvi Dalarnas ja Härjedalas. Čearut han leat massán dálveguohtunrievtti ja nissonat surret boahteaiggis.
Loga ášši
|
|
|
Ohcejoga meahcivalljidikšunovttastus ballá turismaealáhusa oalát goarránit jos rievssatbivddu álggaheapmi maŋiduvvo golmmain vahkuin.
Loga ášši
|
|
|
Oarjánsámi kulturguovddáš Gaaltije lea lágahis doaibma. Lágádus mii jođiha doaimmaid ii leat čálihuvvon ealáhus- dahje gávpejođiheaddjin, vaikko mákset vearu ja leat bargit - ja dat lea gávpejođihandoaibma.
Loga ášši
|
|
|
Finnmárkku fylkkalávdegoddi doarju Várnjárgga suodjaluvvon guovllu planaid. Fylkalávdegoddi gáibida ahte Luonddu Hálddašandirektorahta ásaha sierra guovddáža suodjaluvvon guvlui. Fylkkalávdegoddi gáibida maiddái ahte ásahuvvo sierra foanda, mii galga movttidahttit ealáhusovdáneami. Fylkkalávdegoddi cealká maiddái ahte suodjaluvvon guovlu ii galgga heađuštit boazodoalu ja ođđa geainnu Várggaid ja Bahcavuona gaskkas.
Loga ášši
|
|
|
Norgga boazosámit gáibidit ahte Oarjefinnmárkku boazolohku ii unniduvvo heakkainge, ovdalgo boazodolliid oaivil jerrojuvvo.
Loga ášši
|
|
|
