 |
čálit 
|
|
|
|
|
 |
|
|
Sámi joatkkaskuvllain lea sámegiella lunddolaš. Boahtteáiggis soaitá maiddái eará Davvi-Norgga joatkaskuvllain sámegiella fágan. |
|
|
– Buohkat galget beassat oahppat sámegiela
Davvi-Norggas galggašedje buohkat beassat oahppat sámegiela joatkaskuvllain, evttoha lávdegoddi mii lea árvvoštallan makkár Davvi-Norga livčče 15 jagi geahčen.
 Sáme Radio: Marie Elise Nystad Heivehan: Ánne Biret Anti: 21.04.2005 kl. 12:50
Davvi-Norggas galggašedje buohkat beassat oahppat sámegiela joatkaskuvllain jagis 2020.
Sámegiel oahpahusa
Nu evttoha lávdegoddi mii lea geahčadan makkár Davvi-Norga livčče viđanuppelot jagi geažes. Raporttas man ikte geigejedje Romssa fylkkaráđđái leat oktiibuot 124 doaimma maid ávkkástallat Davvi-Norgga ovdamuniin muđui riikka ektui,.
– Okta evttohusain lea fállat sámegiel oahpahusa buohkaide geat dán hálidit, gos ihkkenassii de orožit Davvi-Norggas, muitala lávdegotti sámilahttu Runar Myrnes Balto.
– Dárbbašit sámegielgelbbolašvuođa
Balto lea leamaš mielde lávdegottis mii lea geahčadan mot Davvi-Norga lea vihttanuppeloht jagi geažes. Ikte geigejedje sii raportta Klart æ kan! Tromssa Fylkkaráđđái Roger Ingebrigtsenii.
Raporttas leat geahčadan earret eará makkár gelbbolašvuođa dárbbašit Davvi-Norggas boahtte áiggis. Dán oktavuođas evttohit ge ahte sámegiella galggašii šaddat fágan buot joatkaskuvllain Davvi-Norggas, nu ahte buohkat geat hálidit sáhtáše dán oahppat, seammá dásis go ovdamearkka dihte duiskkagiela ja fránskkagiela:
Lávdegoddi evttoha maid ahte buot joatkaskuvllat galget galbejuvvot sámegiilii, ja ahte sámi kulturoahppu šaddá lunddolaš oassin buot servodatfágain skuvlla.
Runar Myrnes Balto lea ilus go dát evttohus váldui mielde raportii, ja vuordá dál ahte fylkkagielda čuovvola evttohusaid.
|
