 |
čálit 
|
|
|
|
|
|
|
|
|
|
|
|
- Miehtá Norggas hálidit bahtačoalleruvvema
- – Veahkeha bahtačoali ruvvet
- Sadjásaš doavttir váidon
|
|
|
|
|
|
|
 |
|
|
Nils Mathis N. Sara (55) dearvvašnuvai maŋŋel go doavttir ruvvii su bahtačoali. Govven: Ánne Biret Anti |
|
|
– Doavttir cokkai suorpmas bahtaráigái
Dál lea Nils Mathis N. Sara (55) dearvvašnuvvan. – Mus leamaš čielgeváttut logenear jagi.
 Sámi Radio: 11.02.2005 kl. 16:10
Sara ii eahpidange maid galggai dahkat maŋŋel go beaggigođii mediain ahte Guovdageainnus lea doavttir mii dálkkuda čielgeváttuid erenoamáš vugiin.
- Riŋgejin doaktárii ja bessen ikte eahkedis su lusa, lohká Nils Mathis N. Sara (55).
– Šurgalii suorpma bahtaráigái
Doavttir Jan Mikael Nordfors illá mieđihii dálkkudit Sara go lea gielddahallon ja bealkkahallon.
– Muhto mun hálidin dan. Dálkkudeamis doavttir šurgalii suorpma bahtaráigái ja gávnnai siva. Ja son dálkkudii mu dassá go bávččas ii gullon šat, čilge Sara erenoamáš dálkkudeame maŋŋel
– Manan njuikku dál
Dál leat logenear jagi bákčasat jávkan. Sara lea vuodján skohterin odne ja ii dovdda maidege.
– Eai lean šat bákčasat. Diet dálkkudeapmi lei albma buorre. Surgat mun lean leamas dearvvaš odne. Manan njuikku ja eamit maid logai ahte mun lean oba dearvvaš dál, go ii gullo mihkkege ja go in fuoikku, reaškkeha Sara.
Ii ipmir manne ii leat dohkkálaš
Son ii ipmir manne dát dálkkudanvuohki ii leat dohkkehuvvon.
– Ii han dat leat vearrát go gynekologalaš iskkadeapmi. In ipmir, varra lea danne go bahtii cogga suorpma, ja dat ii oro varra olbmoid mielas nu lunddolaš, šalloša son.
Ávžžuha earáid maid dálkkudit
Sara ávžžuha earáid maid vuolgit dán doaktára lusa jus leat čielgeváttut.
– Dien galggašeimmet juo virgáibidjat deike Guovdageidnui, iige eret bidjat. Jan Mikael gal lea fiinna doavttir, lohká son.
|
