čálit
	Mai Britt Utsi ii loga iežaset verrošan

Sámi Állaskuvllas buohkat ceavzán loahppageahččalemiid?

Sámi Allaskuvla lea áidna Allaskuvla Norggas gos juohke áidna studeanta lea ceavzán buot loahppageahčalemiid maŋimuš golmma jagis. Dán čájehit Norgga Oahpahusdepartemeanta logut, muhto dát leat giellásat, dasa mieđiha Sámi Allaskuvlla rektor Mai Britt Utsi. Son lohká ieøat gal Allaskuvllas sádden riekta dieđuid departementii, muhto dađebahábut leat dieđut dattege šaddan boasttut. Son ii loga gal iežaset moge viggan verrošit, dainna ahte jos de mat oaččošedje stuorát ruhtadoarjaga skuvllajođiheapmái. Finnmárkku Allaskuvlla rektor Sonny  Olsen ii loga iežas gal jáhkkit ahte Sámi Allaskuvla lea verrošan. Muhto dat gal lea nu ahte Allaskuvllat gos studeanttain leat buorit loahppabohtosat, dát skuvllat ožžot lassidoarjagiid.

© NRK Sámi Radio, SR Sámi Radio
SR: NRK:
Váldodoaimmaheaddji:  Doaimmahushoavda: 
SR :