Priváhta joatkaskuvla Detnušaldái
Muhtin vánhenjoavku eret Deanuš ja Unjárggas lea váldán oktavuođa Heltberg Gymnasain Oslos. Vánhenjoavku dáhtošii boahtte čavčča rájes ásahit joatkaskuvlla fálaldaga Deanušaldai.
 30.12.2004 kl. 12:29
Vávhenjoavku dáhtošii nuoraide ásahit joatkaskuvlla fálaldaga lagašbirrasii. Áigumuš livččii dieđos dat ahte nuorat ruovttu láhka sáhtašedje váldit joatkaoahppu, ja maiddái čađahit oahppu. Fálaldaga dáhtošii joavku ásahit Deanušaldái. Heltberg Gymnasa ásaha sierra ossodaga Deanušaldái, ja dát leage dat vuosttaš ovttašbargu masa dát skuvla searvá Davvi Norggas.
Ovttasbargo ohcan lea juo sáddejuvvon Oahpahusdepartementii. Oahpahus galgá huksejuvvot "Heltberg vuogádagas", mii lea priváhta joatkaskuvla man oahpahus lea hápmejuvvon Montessori oahpahusvuogádaga mielde. Deanus galgá skuvla lágiduvvot sierra juredihkalaš vuođuin, das galgá sierra stivra ja jođiheapmi. Heltberg Gymnasa Oslos lea álggahuvvon 1989:s Skuvla dárbbaša sierra dálu Deanušalddis, danne ohcala vánhenjoavku dálu gosa heivešii ásahit skuvlla, mii 2005`čavčča galggašii juo leat doaimmas.
|
