Addá 10.000 ruvnnu heahteveahkkin
Norgga Bargiidbellodaga Sámediggejoavku addá 10.000 ruvnnu heahteveahkkedoaimmaide Nuortamátta Ásiai. Joavku searvá morrašii mii olbmuin dál lea dán roasu oktavuođas.
 30.12.2004 kl. 12:15
Norgga Bargiidbellodaga Sámediggejoavku lea otne addán 10.000 ruvnnu veahkkeorganisašuvnnaide geat doaimmahit veahkkebargguid roassoguovlluin Oarjemátta Ásias. Joavku hálida ná čájehit solidaritehta , ja ná geahččala veahkehit unnidit vahágiid ja bákčasa ja ná doarjut sin geat gillájit.
Joavkojođiheaddji Egil Olli čállá preassadieđáhusastis iežaset jurdagiid dál mannat sidjiide geat leat massán iežaset ráhkásiid, ja sii muitet maiddái sin geat mo nu leat deaivvahallan dán roasus.
|
