 |
čálit 
|
|
|
|
|
 |
|
|
Ole Henrik Magga lohká maŋŋelis áigut bearráigeahččat, dalle go servodagaid fas huksegohtet |
|
|
ON`Álgoálbmot Forum ii sáhte veahkehit álgoálbmogiid
Ovttastuvvon Nášuvnnaid eaiálbmogiid bistevaš Foruma jođiheaddji, Ole Henrik Magga, ii loga alddiineaset ruđa eaige leat gal olmmošlaš návccat veahkehit eamiálbmogiid geat dál gillájit dán issoras roasu giežil.
 30.12.2004 kl. 12:03
Gaskariikalaš veahkkeorganiosašuvnnat leat dan mađe bures hárjánan lágidit veahkkebargguid ahte son gal iežas roahkadit lohká luohttit ahte dát barget nu bures go sáhttet, nu lohká Álgoálbmot Foruma jođiheaddji Ole Henrik Magga. Son lohká olu sulluin Nuortamátta-Ásias leat guovllut gos ásset olu álgoálbmogat. Muhto dán dilis gal mii dál lea, de jáhkká son ahte buohkat ožžot veahkki seamma láhkai.Dán dásis ii jáhke son makkárge erohusa.
Forumas ii ruhta Forumas ii leat gal vejolaš veahkehit go sis ii leat gal ruhta dasa, eaige leat gal olmmošlaš návccatge veahkkebargguide, iige sis leat dasa mándahtage.Muhto Magga lohká iežaset maŋŋelis áigut bearráigeahččat ahte álgoálbmotservodagat ožžot dárbbašlaš veahkki,dalle go servodagaid fas álget hukset bajás, lohká ON`Álgoálbmot Foruma jođiheaddji Ole Henrik Magga.
|
