 |
čálit 
|
|
|
|
|
 |
|
|
Ii dohkket Sponheima evttohusa |
|
|
Sponheim beahtahallan Nykvistai
Norgga eanandoalloministtar Lars Sponheim lea beahtahallan go eaba oro Ruota eanendoallaoministtariin nagodeame soahpat Norgga ja Ruota oktasaš boazoguohtunsoahpamuša bargguin. Sponheim šálloša go Nykvist ii doarjjo su gaskaboddosaš evttohusa.
 22.12.2004 kl. 11:06
Ruota boazosámit guođohit Norgga bealde birrasii 80.000 bohcco geasi áigge. Norgga boazosámit ges johtet sullii 6.000 bohccuin dálveguohtoneatnamiidda Ruota beallái. Boazoguohtunguovlu ollá Tromssas gitta Hedemárkui Mátta-Norgii ja Dalarne letnii Ruota bealde.
Beahtahallan Sponheim
Norgga eanandoalloministtar Lars Sponheim, lea ovdditbeaivve čállán reivve Ruota eanandoalloministtarii Ann-Christin Nykvistii. Reivves son dovddaha, ahte soai eaba oro gávdname čovdosa Norgga ja Ruota oktasaš boazoguohtonsoahpamuššii.
Nykvist ii ovtta oaivilis
Nykvist čuoččuha ahte 1972-boazoguohtunsoahpamuš lea unnidan Ruota boazodoalu geasseguohtumiid Norggas birrasit 70 proseanttain. Dása ii guorras Sponheim, ja vástida ahte Ruota boazosámit ledje juo heaitán geavaheamis eanaš dáin guohtoneatnamiin ovdal jagi 1972-šiehtadusa. Ruota ráđđehus maid celkkii dalle ahte dát eatnamat leat doarvái stuorrát Ruota boazodollui.
Nykvist ii oainne makkárge ávkki 1972-soahpamuša guhkideamis Ruota boazodoalliide. Norgga eanandoalloministtara gaskaboddosaš evttohusa mielde Ruotga boazosámiid geasseguohtumat viiddošedje 34 proseanttain su árvalusa mielde. Sponheim doaivvuige danne, ahte Ruotta dohkkehivččii dán árvalusa, mii Norgga eiseválddiid mielas livččii lean hui konstruktiivvalaš čoavddus. Nu ii goit ge oro dál šaddame.
|
