 |
čálit 
|
|
|
|
|
 |
|
|
IMAŠTALLA: Deanu sátnejođiheaddji Ingrid Smuk Rolstad adná unohassan Isam Mathis O. Hætta cealkámušaid. |
|
|
 |
|
|
SUORGANAN: Demokráhtalaš servodagas berre leat lohpi bargat buotlágan áššiin, oaivvilda Egil Olli. |
|
|
 |
|
|
SUOHKAN II DOARJJO: Heaika Skum berre váidit ášši, lohká Guovdageaidnu sátnejoæiheaddji Klemet Erland Hætta. |
|
|
- Hirpmahuvvan Isak Mathis O. Hætta cealkámušaide
Deanu sátnejođiheaddji, Ingrid Skum Rolstad, lea hirpmahuvvan Isak Mathis O. Hætta, cealkámušaide, maid mielde Heaika Skum ferte beare dohkkehit goddináitagiid go politihkainis vuosttalda eatnašiid Guovdageainnus. Ingrid Smuk Rolstad ávžžuha Guovdageainnu servodaga čorget dili.
 Sámi radio: 21.11.2004 kl. 18:30
Norgga luonddugáhttenlihttu báikkálaš searvvi jođiheaddji, Heaika Skum, lea árabut dán vahkus muitalan NRK Sámi Radio ođđasiin, ahte son leat áitojuvvon goddot maŋŋágo bargagođii luonddugáhttemiin.
Dáloniid listu suohkanstivrra- ja sámediggeáirras, Isak Mathis O. Hætta, celkkii dása NRK Sámi Radio Sáhkaváibmosis-sáddagis mannan bearjadaga, ahte Heaika Skum ii sáhte earágo vuordit dan, ahte áitojuvvo, go politihkainis vuosttalda stuorra oasi Guovdageainnu álbmogis.
Maiddái Bargiidbellodaga sámediggejoavkku jođiheaddji, Egil Olli, imaštalla Dáloniid listu sámediggeáirasa cealkámušaid. - Suorganin go gullen su oaivilda dán áššis, inge sáhttán earágo bárdit oaivvi, lohká Egil Olli.
Deanu sátnejođiheaddji muitala olbmuid garrasit reageren Isak Mathis O. Hætta cealkámušaide. Ollusat leat váldán sutnje oktavuođa ja dáhtton su dahkat juoidá dáinna áššiin, muitala Ingrid Smuk Rolstad. - Guovdageainnu servodat berre čorget dili, amas eai olbmuide boahtit dat govva, ahte dát lea dohkkálaš sámi servodagas, lohká Smuk Rolstad.
Guovdageainnu suohkan ii leat ovttaoaivilis Isak Mathis O. Hættain. Sátnejođiheaddji, Klemet Erland Hætta, ávžžuha Norgga luonddugáhttenlihtu báikkálašsearvvi jođiheaddji, Heaika Skum, váldit oktavuođa politiijaide. - Dát leat dan mađi duođalaš áitagat, lohká Hætta.
|
