Njeallje ođđa áirasa Sámediggái
Ráđđehus lea ovddidan árvalusa, man mielde galggašedje dat válgabiiret, main leat eanemus dohkkehuvvon jienat, oažžut njeallje lasseáirasa Sámediggái boahtte čavčča válggaid rájes. Sámedikkis livčče de 43 áirasa. Dán láhkai geahččala ráđđehus oažžut Sámediggái vuoiggalot válgaortnega.
 Sámi Radio: 21.11.2004 kl. 18:18
- Sámediggeáirasiid jietnaerohusat galget unnut, lohká stáhtaráđđi Erna Solberg, Gielda- ja guovlodepartemeantta preassadieđáhusas.
Bellodagain ja organisašuvnnain lea ovddasvástádus sihkkarastit dan, ahte sohkabealit leat dássidit ovddastuvvon. Dasa lassin evttoha ráđđehus, ahte Sámediggi sáhttá mearredit sohkabeliid dássemii guoski njuoggadusaid válgalisttuin.
Gielda- ja guovlodepartemeanta lea dán jagi juolludan Sámediggái 300.000 ruvnnu, vai dat ásahivčče áššedovdilávdegotti, mii de galgá árvvoštallat iešguđetge beliid sámediggeválggaid oktavuođas. Dán lávdegotti čielggadeapmi sáhttá leat vuođđun válgaortnega vejolaš ođđa rievdadusaide ovdal jagi 2009 válggaid.
Departemenata lea maid juolludan 230.000 ruvnnu Sámediggqi sierra kampqájai, man ulbmin lea buoridit nissonovddasteami čuovvovaš Sámediggeválggain. Dát kampánja galgá earret eará movttiidahttit nissoniid searvat vuosttasin válgalisttuide. Sámeáššiid stáhtačálli, Ellen Inga O. Hætta, jáhkká dáin kampánjain leat ávkki.
|
