LÁVDDI ALDE: Niko Valkeapää joavkkuinis jáhkkihii gehččiid jaskkes musihkkain.
JUMEŽAT: Niko Valkeapää beassá dál čevllohallat sihke Liet-musihkkagilvvu jury ja gehččiid bálkkašumiin.
Nikoi duppálvuoitu
Niko Valkeapää joavkkuinis faskkii duppálvuoittu Eurohpa unnitlogugielaid musihkkagilvvus Friisaeatnamis, Hollanddas, go vuite sihke gehččiid ja jury bálkkašumi.
Sámi Radio: 24.10.2004 kl. 14:33
Niko Valkeapää joavkkuinis jáhkkihii olles sála dievva olbmuid Eurohpa unnitlogugielaid "grand prix"- lávllagilvvus Friisaeatnamis, Hollanddas bearjadaga. Lávlagiin Rabas mielain vuite sihke gehččiid ja jury bálkkašumi. Unnitlogugielaid "Liet"-musihkkagilvu lágiduvvui dál goalmmát geardde. Diibmá seamma gilvvu vuittii Transjoik joavku lávlagiin Mijajoo.
Niko ieš lea duhtavaš:
- Hui suohtas! Ii dan gal leat vel aibbas ádden, muhto ammal dás eahkeda mielde, go vuos beassá joavkku gánddaiguin háleštit, lohká Valkeapää.
Sámi Radio: 24.10.2004 kl. 14:33
