 |
čálit 
|
|
|
|
|
 |
|
|
Sámedikki várrepresideanta Ranghild Nystad. |
|
|
- Váilevaš mánáidsuodjalus
Sámediggi vuordá suohkaniid nannet sámi kulturipmárdusa mánáidsuodjalusain, cealká várrepresideanta Ragnhild Nystad. Son lea ilus go Merete Saus duođašta dutkamušaidis bokte dan maid sámepolitihkárat guhká juo leat diehtán.
 Sámi Radio: 13.10.2004 kl. 11:03
Sámepolitihkkárat leat juo guhká diehtán, ahte Norgga stáhta ja gielddat leat rihkkon Ovttastuvvan Našuvnnaid mánáidkonvenšuvnna ja ILO-konvenšuvnna, go eai dovdda sámemánáid kulturduogáža doarvái bures.
Sámediggi lea juo mannan giđa ovddidan dearvvašvuohtaministarii mánáidsuodjalusa hástalusaid sámi mánáid áššiid gieđahallamis. Mánáid- ja nuoraidbearašossodaga Davvi-guovllu direktevra, Ulf Størmer, lohká iežaset áigut buoridit mánáidsuodjalusa fálaldaga sámi mánáide.
– Sin bargu lea rávvet dahjege bagadit gielddat ja leat veahkkin lossa mánáidsuodjalusa áššiin, muitala Størmer. Davvi-guovllu kantuvrras leat bargit, geat hálddašit sámegiela ja - kultuvrra, muhto sii leat dađistaga buorideamin fálaldaga Sámi álbmogii - nugo mat bearašráđđádallamiid čađahit, mánáide háhkat dustehusbearraša ja biebmoruovttu darbbu mielde.
– Dat lea vuosttažettiin Sámi suohkaniid mánáidsuodjalusa vástu buoridit fálaldaga Sámi mánáide, lohká Sámedikki várrepresideanta Ragnhild Nystad.
Merete Sausas lea doavttergráda mánáidsuodjalusas. Son deattuha doavttergradastis, ahte sámi kultuvrras leat erohusasat das, orutgo davvin vai máddin, siseatnamis vai mearragáttis. - Su mielas lea dárbu heivehit mánáidsuodjalusa báikki kultuvrii, muđui rihkkot eiseválddit ON:a mánáid-konvenšuvnna.
|
