 |
čálit 
|
|
|
|
|
 |
|
|
Sámedikki ráđđelahttu Randi Skum. |
|
|
- Bohccuid ii leat lohpi gazirdit iige gáldet
Dálá lágat ja njuolggadusat gáržžedit árbevirolaš sámi boazodoalu, oaivvilda Sámediggi. - Sii leat dál dáhtton departementta rievdadit njuolggadusaid, lohká Sámedikki ráđđelahttu Randi Skum.
 Sámi Radio: 13.10.2004 kl. 10:11
Niskkádeapmi dahje gazirdeapmi lea dábálaš vuohki goddit bohcco. EEO-njuolggadusaid mielde dat ii goitge leat dát lobálaš. Ealliidsuodjalanlága mieldeges eai beasa boazodoallit ieža gáldet bohccuid. Dan galgá šibitdoavttir dahkat.
- Dat ii leat dohkálaš, ahte dološ sajáiduvvan árbevierut leat šaddan lobiheapmin, lohká Sámedikki ráđđelahttu Randi Skum, gii lea dáhtton Eanandoallo- ja borramušdepartementa rievdadit dáid njuolggadusaid.
Sámedikkis ja Norgga Boazosápmelaččaid riikkasearvvis lei čoahkkin departementtain guokte vahku áigi, gos juste dáid áššiid digaštalle. Dalle lohke departementtas, ahte lea EEO-njuolggadusaid lea váttis rievdadit. Sámediggi lea goitge dán maŋŋá guorahallan dán ášši dárkilappot ja lea gávnnhan, ahte EEO-njuolggadusat eai guoska kulturdoaimmaide. - Dát sáhttá mearkkašit dan, ahte dát njuolggadusat eai oba guoskage boazodollui, lohka Randi Skum.
|
