 |
čálit 
|
|
|
|
|
 |
|
|
EANET SÁMEGILLII: Erna Solberg háliida ahte buot deaŧaleamos lágat galget jorgaluvvot sámegillii. |
|
|
Ráđđehus jorgala lágaid sámegillii
Norgga ráđđehus hálida eambbo lágaid ja njuolggadusaid jorgaluvvot sámegillii, ja lea aitto mearridan buot departemeanttaid galgat guorahallat lágaid ja njuolggadusaid ja dasto ráhkadit jorgalahttinplána ovdal njukčamánu 1. beaivvi 2005.
 Sámi Radio: 04.10.2004 kl. 10:38
Ráđđehus ávžžuha maiddái vuolit etáhtaid jorgalit eambbo njuolggadusaid ja almmuhusaid, čállet sii ovta preassadieđahusas.
– Okta ráđđehusa deaŧaleamos sámepolitihkalaš nannensurggiin lea nannet sámegiela. Ráđđehussii lea earenoamáš deaŧalaš ahte sámegiela atnet aktiivvalaččat almmolašvuođas, lohká gielda- ja guovluministtar Erna Solberg.
– Go jorgala lágaid ja njuolggadusaid de dat ráhkada buori vuođu dasa ahte sámegiela geavaheapmi leavvá dađistaga eambbo sajiide, dadjá gieldaministtar.
Ovttasráđiid Sámedikkiin álggaha maid ráđđehus sámelága giellanjuolggadusaid árvvoštallama. Eambbo doaimmat mat lasihivčče sámegiela geavaheami guorahallojuvvojit oktanaga dainna árvvoštallamiin.
|
