 |
čálit 
|
|
|
|
|
 |
|
|
Sámi artista Mari Boine lea dan lohkása searvvis geat dál gilvalit beassat dán čuohtejagi Norgalažžan. |
|
|
Dán čuohtejagi Norgalaš-loahppagilvvus
Mari Boine lea dán čuohtejagi Norgalaš-loahppagilvvus. Sápmelaš Esther Grossmann áŋgiruššá olbmoid jienasit.
 Sámi Radio: 27.04.2005 kl. 13:50
NRK dat lágida gilvvu das ahte guhtemuš šaddá dán čuohtejagi Norgalažžan. Sámi artista Mari Boine lea dan lohkása searvvis geat dál gilvalit beassat dán čuohtejagi Norgalažžan.
Áidna sápmelaš
Son lei áidna sápmelaš gii beasai mielde dán gilvui, ja dál go álgojienastanvuorru lea nohkan, de lea Boine dan lohkása searvvis geaid birra ráhkaduvvo TV dokumentára čakčat. Dát gilvu lágiduvvo dan olis go dál lea čuohte jagi áigi go Norga beasai Ruoŧa hálddus, ja šattai iešráđálažžan.
Son gilvala earret eará gonagaslaččaiguin dego Gonagas Haakoniin ja Gonagas Olaviin. Maiddái beakkánat Gro Harlem Brundtland, Fritjof Nansen ja Erik Bye leat mielde gilvaleamen suinna.
Áŋgirit jienasta
Loahppajienasteamit leat álggahuvvon, ja Oslo nisu Esther Grossmann lea viššalit jienastan álgovuorus. Dál áigu son čohkket oahppásiid ja fulkkiid veahkkin jienastit, vai sápmelaš vuoittášii.
– In jáhkkán son nie guhkás joavda, ja dat gal lea nu somá. Ferte joatkit hástalit earáid jienastit. Mun dagan nu go son lea birra máilmmi dahkan sámi kultuvrra dovddusin ja mun nu liikon su musihkkii. Son nu bures dovddasta sámivuođa ja čájeha mo dilli lea leamaš, rábmo Grossmann.
Dáppe sáhtat jienastit: http://www.nrk.no/underholdning/store_norske/4689052.html
|
