 |
čálit 
|
|
|
|
|
 |
|
|
OĐĐA FÁMUT: Dá lea Sámi dáiddaservviid ođđa Jođiheddjiid Forum: Gurutbealde: Issát Sámmol Hætta (SGS ovdaolmmoš), Elisabeth Heilmann Blind (STS ovdaolmmoš), Anders Somby (Komponistasearvvi ovdaolmmoš), Biret Risten Sara (Juoigiid Searvvi ovdaolmmoš) ja Hege Annestad Nilsen (Dáiddačehpiid Searvvi ovdaolmmoš.) (Govven:Elle Márjá Vars) |
|
|
- Dát lea sámi ođđa dáiddálaš fámut
Musihkár Anders Somby lea sámi dáiddáriid ođđa jođiheaddji. Lei dáiddaservviid Jođiheddjiid Forum gii válljii su jođiheaddjin mannan vahkkoloahpa. – Álggán stuora movttain dán bargui, lohká SDR ođđa jođiheaddji.
 Sámi Radio: 07.09.2004 kl. 12:58
Sámi dáiddárat lea ožžon ođđa jođiheaddji, dieđiha Sámi Dáiddáráđis preassadiedáhusastis. Anders Somby lea Sámi Komponisttaid Searvvi jođiheaddji. Dáiddárráđđi lea iežas stivrema rievdadan maŋemus jagiid ja lea ásahan bajemus mearrideaddji foruma: Jođiheddjiid Forum, mas leat dušše servviid jođiheaddjit áirrasin.
Sámi musihka nuohttabáhpirii
Anders Somby lea bajásšaddan Álttas ja orru dál Oslos. Sus lea váldofága musihkas, ja lea leamaš mielde feara makkár komponeren bargguin Sámis.
- Mu váldoáigumuš lea oažžut sámi nuohtaid nuohttabáhpiriidda, ja maiddái komponeret sámi čájáhusaide ja doaimmaide, lohká son ieš.
Álttás álggii
Su musihkkaberoštupmi álggii juo go luntan čuojahii eará lunttaiguin Álttás.
Dasto oahpahallagođii norgga beakkán Robert Normann earenoamáš gitáračuojahanvuogi. Normann hutkai iežas čuojahanstiilla, mii sulástahttá beakkán Chet Atkins čuojaheami. Musihkkamáilmmis lea Anders dovddus, muhto sámi dáiddaservviid bargguin veadjá leat vuos amas.
Norggabealde álgu
SDR jođiheaddji Anders Somby lohká ahte šiehtadallamat mat norggabealde dál álggahuvvet, galget leat vuođđun bargguide maid áigot čađahit eará riikkain.
- Jođiheddjiid Forum lea vuolgimin Ruššii deaivvadit Murmánskka guovllu kulturpolitihkkáriiguin loahpageahčen golggotmánu. Áigut lagat oktavuođa sámi dáiddariiguin dien guovllus Sámis. Áigut iskat makkár bargovejolašvuođat sis leat, ja makkár dáiddapolitihkka fievrreduvvo dan guovllus Ruoššas gos eanas sámit orrot, muitala SDR jođiheaddji.
|
