- Ballet Jet-johkamohtoriid goddit luosaid
Kárášjoga luossabivdi guovttos ávøøuheaba eiseválddiid guorahallagoahtit, goddetgo jet-johkamohtorat luosaveajehiid, nu go soai vásiheaba.
 Sámi Radio: 10.08.2004 kl. 11:23
Kárášjoga luossabivdi, Fridtjof Berglund, ávžžuha birasgáhtteneiseválddiid guorahallat, makkár váikkuhusat Jet-johkamohtoriin leat luosaveajehiidda. Berglund lea geassit oaidnán ollu jápmán luosaveajehiid. Son ballá, ahte Jet-johkamohtorat - maid ollugat dál geavahit dábálaš johkamohtora sadjái - goddet luosaveajehiid.
Maiddái nubbi hárjánan luossabivdi, Anders Johnsen, ballá Jet-johkamohtoriin, maid leat geavahišgoahtan Deanus. - Eiseválddit galggašedje dál guorahallagoahtit, goddetgo Jet-johkamohtorat luosaveajehiid, lohká Johnsen.
Finnmárkku filkkamánni birasgáhttenossodagas eai goitge leat makkárge plánat guorahallat, goddetgo Jet-johkamohtorat luosaveajehiid, lohká Deanu luossahálddašeaddji, Sturla Brørs.
|
