53-jahkásaš duiskalaš almmái, gean duollárat válde gitta bearjadat ija Gáregasnjárggas, Norgga ja Suoma rájás, lea mieđihan iežas čoaggán lottemaniid Finnmárkku rittus, erenomažit Várnjárgga guovllus. Albmás ledje 128 mani ja 15 lottečivgga go son válddahalai duolláriide. - Ammái ii goitge lea muitalan dárkilit, gos son lea čoaggán maniid, lohká Svein-Erik Jakobsen Nuorta-Finnmárkku politiijakámmáris.
Loga ášši
|
|
 |
Suoma Duollu čavge bearráigeahču davvin, vaikko dat giddege oalát Gáresavvona duollu ja Ohcejoga duollu idjaboddii. Dan maŋŋá go Suopma searvvai EU:i leat bolesat ja duollárat duoguštan mealgat eanet narkotihka go ovdal. Dássážii leat duollárat gártan čohkohallat steamppal gieđas eaige leat bastán bearráigeahččat. - Dál dát olbmot galget bearráigeahččagoahtit riikkarájá, čilge Juhani Grönholm Durdnosa duollus.
Loga ášši
|
|
|
NSR áiggošii bágget válgastivrraid bidjat eambbo nissoniid evttohaslisttaide jos eai daga dan ieža. Muhto báikkálaš searvvit hálidit ieža mearridit. Deatnogátti Sámiid Searvvi ságadoalli John Trygve Solbakk lohká dat háddješii NSRa.
Loga ášši
|
|
|
Davvi-Norgga ealahusat eai leat ráhkanan dálá Davvi-Norgga petroliumdoibmii. Davvi-Norgga oljo- ja gássabohkan oktavuođas livčče dárbu ieš guđetgelagan gálvvuide ja bálvalusaide. Muhto go dáppe váilo máhttu ja áŋgiruššan de vuoittahallet Davvi-Norgaláččat eará guovllu ásside ja fidnodagaide.
Loga ášši
|
|
|
Boazo sámi siidda lávus Álttas lea dássážii leamaš lohpi borgguhit, muhto dál sáhttá maiddái dáppe borgguheapmi gildojuvvot. Alta suohkan lea ovdalaččas lohkan ahte go lávus lea, de lea olgun, ja dan dihte ii leat lohpi buolliviinni doppe guossohit. Bargobearráigeahčču gis ii áiggo suovvat lávus borgguhit go lávus han lea siste, diehtá NRK Finnmárku.
Loga ášši
|
|
|
Muhtin ássanviessu Áidejávrris Guovdageainnus bulii ikte eahkes gutnan. Politijat ožžo dieæu buollima birra diibmu čiežas ikte eahkes. Go politiijat ja buollinčaskadeaddjit ollejedje báikái de lei viessu oalát jo buollime. Ii oktage roasmahuvvan buollimis, ja olmmoš gii lei ruovttus go buollái beasai ieš olggos.
Loga ášši
|
|
|
Norgga Boazosápmelaččaid Riikkasearvi lei gáibidan ahte boazodoallu oažžu sierra čoahkkimiid Norgga justislávdegottiin Finnmárkoláhkaárvalusa birra. Muhto justislávdegotti jođiheaddji Trond Helleland lohká ahte Sámediggi dat leat dat orgána mii galgá ovddastit sápmelaččaid ráđđádallamiin, ja dan dihte eai áiggo deaivvadit NBR:in.
Loga ášši
|
|
|
Nissonat ruoŧabeal oarjánsámi čeruin gáibidit beassat deaivvadit stáhtaministtáriin, sámeministtáriin ja Jämtlandda leanahoavddain. Duogáš lea dálveguohtunriekti davvi Dalarnas ja Härjedalas. Čearut han leat massán dálveguohtunrievtti ja nissonat surret boahteaiggis.
Loga ášši
|
|
|
Ohcejoga meahcivalljidikšunovttastus ballá turismaealáhusa oalát goarránit jos rievssatbivddu álggaheapmi maŋiduvvo golmmain vahkuin.
Loga ášši
|
|
|
Oarjánsámi kulturguovddáš Gaaltije lea lágahis doaibma. Lágádus mii jođiha doaimmaid ii leat čálihuvvon ealáhus- dahje gávpejođiheaddjin, vaikko mákset vearu ja leat bargit - ja dat lea gávpejođihandoaibma.
Loga ášši
|
|
|
